ក្រុមបាត់ដំបងយូណៃធីក សម្រេចគោលដៅទី១ ឡើងដល់វគ្គផ្ដាច់ព្រ័ត្រ និងបន្ដប្ដេជ្ញាយកពានសម្ដេច លើកទី២០ ស្អែកនេះឲ្យបាន
Resumen detallado
គ្រូបង្វឹកក្រុមបាល់ទាត់បាត់ដំបងយូណៃធីក ថាក្រុមរបស់លោកបានសម្រេចគោលដៅទី១ ដែលបានឡើងដល់វគ្គផ្ដាច់ព្រ័ត្រពានសម្ដេច លើកទី២០ ថ្នាក់ខេត្ត នេះរួចហើយ The post…
គ្រូបង្វឹកក្រុមបាល់ទាត់បាត់ដំបងយូណៃធីក ថាក្រុមរបស់លោកបានសម្រេចគោលដៅទី១ ដែលបានឡើងដល់វគ្គផ្ដាច់ព្រ័ត្រពានសម្ដេច លើកទី២០ ថ្នាក់ខេត្ត នេះរួចហើយ និងបន្តប្ដេជ្ញាចិត្តយកពានឲ្យបានជូនអ្នកគាំទ្រខេត្តបាត់ដំបង។
លោក កែវ កុសល គ្រូបង្វឹកក្រុមបាត់ដំបងយូណៃធីក បានឲ្យដឹងថា ក្រុមរបស់លោកបានត្រៀមខ្លួនរួចរាល់ហើយសម្រាប់ការប្រកួតវគ្គផ្ដាច់ព្រ័ត្រនៅថ្ងៃស្អែកនេះជាមួយខាងខេត្តត្បូឃ្មុំ នៅវគ្គផ្ដាច់ព្រ័ត្រពានរង្វាន់សម្ដេចតេជោ ថ្នាក់ខេត្ត ។
គ្រូបង្វឹកខាងលើបន្ថែមទៀតថា នេះជាប្រវត្តិសាស្ត្រហើយសម្រាប់បាត់ដំបងដែលឡើងដល់វគ្គផ្ដាច់ព្រ័ត្រដូចនេះ។ គោលដៅទី១ ដែលចង់ឡើងឲ្យដល់វគ្គផ្ដាច់ព្រ័ត្រនោះគឺបានសម្រេចហើយ និងបន្តផែនការក្នុងការដណ្ដើមយកពានថ្នាក់ខេត្ត នេះឲ្យបាន។ លោកផ្ទាល់ក៏ដូចជាក្រុមទាំងមូលចង់ឈ្នះពាននេះឲ្យបានជូនអ្នកគាំទ្រនៅខេត្តបាត់ដំបងដែលតែងតែលើកទឹកចិត្តរហូតមក និងបានចំណាយថវិកាផ្ទាល់ខ្លួនឡើងមកទស្សនានៅវគ្គផ្ដាច់ព្រ័ត្រនេះផង។
ចំណែកកីឡាករ ត្រាយ វិចិត្រ បានឲ្យដឹងដែរថា រូបគេក៏សប្បាយចិត្តដូចគ្នាដែលឈានដល់វគ្គផ្ដាច់ព្រ័ត្រដូចនេះ។ រូបគេ និងកីឡាករក្នុងក្រុមបានហ្វឹកហាត់ត្រៀមខ្លួនរួចរាល់ហើយរង់ចាំតែការប្រកួតមកដល់តែប៉ុណ្ណោះ។
បញ្ជាក់ដែរថា ពានរង្វាន់សម្ដេច តេជោ លើកទី២០ ថ្នាក់ខេត្ត បានឈានដល់វគ្គផ្ដាច់ព្រ័ត្រហើយនៅថ្ងៃទី១៥ ខែវិច្ឆិកា ឆ្នាំ២០២៦ នេះ។ ការប្រកួតវគ្គផ្ដាច់ព្រ័ត្ររវាង ក្រុមបាត់ដំបងយូណៃធីក និងខេត្តត្បូឃ្មុំ នេះនឹងធ្វើឡើងនៅកីឡដ្ឋានភ្នំពេញក្រោន វេលាម៉ោង ៦ល្ងាច៕
Inicio del artículo, extracto de កម្ពុជាថ្មី Kampuchea Thmey. Para leer el resto, abra el artículo en el sitio del medio.
MarketNews muestra el titular y el resumen publicados por el medio. El artículo completo se lee en el sitio del editor. (www.kampucheathmey.com)