ភ្ញៀវទេសចរជិត ៣លាននាក់ មកទស្សនារូបសំណាក «បង្កងបាញ់ទឹក» រយៈពេលជាងកន្លះខែ

Resumen detallado
តាកែវ ៖ លោក វ៉ី សំណាង អភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវ កាលពីថ្ងៃទី៣០ ខែតុលា…
តាកែវ ៖ លោក វ៉ី សំណាង អភិបាលខេត្តតាកែវ បានគូសបញ្ជាក់ថា គិតចាប់តាំងពីថ្ងៃបើកសម្ពោធជាផ្លូវការនូវរូបសំណាក «បង្កងបាញ់ទឹក» នៅសួនច្បារមាត់បឹងតាកែវ ក្រុងដូនកែវ កាលពីថ្ងៃទី៣០ ខែតុលា រហូតមកដល់ថ្ងៃទី១៥ ខែវិច្ឆិកា ឆ្នាំ២០២៦ ខេត្តតាកែវ បានទទួលស្វាគមន៍ភ្ញៀវទេសចរជាតិ និងអន្តរជាតិជិត ៣លាននាក់ បានអញ្ជើញមកកម្សាន្ត និងទស្សនាសមិទ្ធផលទេសចរណ៍ដ៏ទាក់ទាញថ្មីនេះ ។
ការលើកឡើងរបស់ លោក វ៉ី សំណាង អភិបាលខេត្តតាកែវ ត្រូវបានធ្វើឡើងនៅក្នុងរបាយការណ៍របស់រដ្ឋបាលខេត្តតាកែវ គោរពជូនគណៈកម្មការសិទ្ធិមនុស្ស ទទួលពាក្យបណ្ដឹង និងអង្កេតអធិការកិច្ច (គណៈកម្មការទី១) នៃរដ្ឋសភា នាថ្ងៃទី១៦ ខែវិច្ឆិកា ឆ្នាំ២០២៦ ។
តាមរយៈរបាយការណ៍ដដែល បានបង្ហាញឱ្យឃើញថា កំណើនភ្ញៀវទេសចរយ៉ាងគំហុក ក្នុងរយៈពេលជាងកន្លះខែមកនេះ គឺជាសញ្ញាណវិជ្ជមានដ៏សំខាន់សម្រាប់វិស័យទេសចរណ៍ និងសេដ្ឋកិច្ចមូលដ្ឋានរបស់ខេត្តតាកែវ។
ទន្ទឹមនឹងកំណើនភ្ញៀវទេសចរដ៏ច្រើនកុះករនេះ រដ្ឋបាលខេត្តតាកែវ ក៏បានយកចិត្តទុកដាក់ខ្ពស់លើការងាររក្សាសន្តិសុខ សុវត្ថិភាព សណ្តាប់ធ្នាប់សាធារណៈ ការរៀបចំចំណតយានយន្ត និងការថែរក្សាអនាម័យបរិស្ថាន នៅជុំវិញតំបន់មាត់បឹងតាកែវ ដើម្បីធានាថាប្រជាពលរដ្ឋ និងភ្ញៀវទេសចរទាំងអស់ទទួលបានភាពកក់ក្តៅ និងបទពិសោធន៍កម្សាន្តដ៏ល្អប្រសើរ ព្រមទាំងជួយបង្កើនប្រាក់ចំណូលដោយផ្ទាល់ដល់អាជីវករ និងប្រជាពលរដ្ឋនៅក្នុងក្រុងដូនកែវផងដែរ៕
Inicio del artículo, extracto de DAP News. Para leer el resto, abra el artículo en el sitio del medio.
MarketNews muestra el titular y el resumen publicados por el medio. El artículo completo se lee en el sitio del editor. (dap-news.com)