← Volver a la portada
Asia · Actualidad general · កម្ពុជាថ្មី Kampuchea Thmey

APEC៖ IMF ព្រមានពីកំណើនអតិផរណាសកល​ និងអំពាវនាវឱ្យប្រទេសជាច្រើនដំឡើងអត្រាការប្រាក់​

Publicado por កម្ពុជាថ្មី Kampuchea Thmey · Camboya hace 23 min
នាយិកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva
នាយិកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva · កម្ពុជាថ្មី Kampuchea Thmey

Resumen detallado

សេដ្ឋកិច្ចពិភពលោកកំពុងប្រឈមនឹងសម្ពាធអតិផរណាកាន់តែខ្លាំង ដោយសារការរំខានដល់ការផ្គត់ផ្គង់ថាមពល និងកំណើនតម្រូវការ​ AI The post APEC៖ IMF ព្រមានពីកំណើនអតិផរណាសកល​…

សេដ្ឋកិច្ចពិភពលោកកំពុងប្រឈមនឹងសម្ពាធអតិផរណាកាន់តែខ្លាំង ដោយសារការរំខានដល់ការផ្គត់ផ្គង់ថាមពល និងកំណើនតម្រូវការ​ក្នុងវិស័យបញ្ញាសិប្បនិម្មិត (AI) ដែលបាន​រុញ​អតិផរណា​សកល​ឡើងដល់ ៤,៧%។ នាយិកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានយ៉ាងដូច្នេះក្នុងកិច្ចប្រជុំកំពូលនៃវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) នៅទីក្រុងសិនជិន ប្រទេសចិន ​នាព្រឹកថ្ងៃព្រហស្បតិ៍នេះ។

តាមការចុះផ្សាយរបស់ទីភ្នាក់ងារសារព័ត៌មានរ៉យទ័រ លោកស្រី Georgieva បានអំពាវនាវឱ្យប្រទេសជាច្រើនរឹតបន្តឹងគោលនយោបាយរូបិយវត្ថុ ដើម្បីទប់ស្កាត់​ហានិភ័យអតិផរណាសកលនេះ។

តាមការព្យាកររបស់ IMF​ កាលពីខែតុលា អតិផរណាសកលអាចកើនដល់ ៤,៧% នៅឆ្នាំ២០២៦ មុននឹងថយមក ៤,១% នៅឆ្នាំ២០២៧ ដោយសារ​កំណើន​តម្លៃថាមពល និងស្បៀងអាហារ។

ប្រទេស​កំពុងអភិវឌ្ឍន៍នៅអាស៊ីមួយចំនួនកំពុងរងផលប៉ះពាល់ខ្លាំងពី​កំណើនតម្លៃថាមពល ដោយសារពួកគេពឹងផ្អែកលើការនាំចូល។ របាយការណ៍របស់ IMF ស្តីពីទស្សនវិស័យសេដ្ឋកិច្ចតំបន់អាស៊ី-ប៉ាស៊ីហ្វិក ខែតុលា បានបង្ហាញថា ​កំណើនថ្លៃថាមពល ​និងការធ្លាក់ចុះថ្លៃរូបិយប័ណ្ណក្នុងស្រុក បានជំរុញអតិផរណានៅប្រទេសកំពុងអភិវឌ្ឍន៍។ ​

ជាមួយគ្នានេះ ​​ការកើនឡើងនៃ​ការវិនិយោគលើ AI មជ្ឈមណ្ឌលទិន្នន័យ និងបន្ទះឈីប ក៏កំពុងជំរុញតម្រូវការថាមពល និងបង្កើនសម្ពាធលើថ្លៃដើមផលិតកម្ម។

តាមរបាយការណ៍របស់ APEC ចេញផ្សាយកាលពីថ្ងៃអង្គារ (១៧ វិច្ឆិកា) តម្លៃប្រេងឆៅបានកើនឡើង ៣៥,៩% ចាប់តាំងពីខែកក្កដា ឆ្នាំ២០២៦ ខណៈតម្លៃឧស្ម័នធម្មជាតិ​ពង្រាវ (LNG) បានកើនឡើង ៤០,២%។ ​

​សម្ពាធអតិផរណា​កំពុងជំរុញឱ្យធនាគារកណ្តាលជាច្រើនជុំវិញពិភពលោករឹតបន្តឹងគោលនយោបាយរូបិយវត្ថុ។ របាយការណ៍របស់ APEC បានបង្ហាញថា សមាជិកជាង ១/៣ បានដំឡើងអត្រាការប្រាក់គោលក្នុងរយៈពេលប៉ុន្មានសប្តាហ៍ចុងក្រោយនេះ។ ចំណែកធនាគារកណ្តាលអាមេរិក (Fed) និងធនាគារកណ្តាលអឺរ៉ុប (ECB) ក៏បានចាប់ផ្តើមដំឡើងអត្រាការប្រាក់នៅឆ្នាំនេះផងដែរ​។ Fed ត្រូវបានគេរំពឹងថានឹងដំឡើងបន្ថែមទៀតនៅខែធ្នូខាងមុខ ដោយសារតែអតិផរណានៅតែខ្ពស់ជាងអត្រាគោលដៅ ២%៕ ​

Inicio del artículo, extracto de កម្ពុជាថ្មី Kampuchea Thmey. Para leer el resto, abra el artículo en el sitio del medio.

Leer el artículo completo en កម្ពុជាថ្មី Kampuchea Thmey Inicie sesión para guardar

MarketNews muestra el titular y el resumen publicados por el medio. El artículo completo se lee en el sitio del editor. (www.kampucheathmey.com)

También te puede interesar