កម្ពុជា ប្តេជ្ញាពង្រីកភាព ជាដៃគូជាមួយអឺរ៉ុប និងចែករំលែកជំនាញដោះមីន ដើម្បីពង្រឹងសន្តិសុខ មនុស្សធម៌អន្តរជាតិ

Résumé détaillé
ភ្នំពេញ ៖ កម្ពុជា បានធ្វើការប្តេជ្ញាពង្រីកភាព ជាដៃគូជាមួយសហភាពអឺរ៉ុប និងចែករំលែកជំនាញដោះមីន ដើម្បីពង្រឹងសន្តិសុខ មនុស្សធម៌អន្តរជាតិ។ នេះជាការលើកឡើងរបស់ លោក លី ធុជ ទេសរដ្ឋមន្ត្រី…
ភ្នំពេញ ៖ កម្ពុជា បានធ្វើការប្តេជ្ញាពង្រីកភាព ជាដៃគូជាមួយសហភាពអឺរ៉ុប និងចែករំលែកជំនាញដោះមីន ដើម្បីពង្រឹងសន្តិសុខ មនុស្សធម៌អន្តរជាតិ។
នេះជាការលើកឡើងរបស់ លោក លី ធុជ ទេសរដ្ឋមន្ត្រី អនុប្រធានទី១ អាជ្ញាធរមីន ក្នុងជំនួបពិភាក្សាការងារជាមួយលោក Peter M. Wagner ប្រធានទទួលបន្ទុកកិច្ចការគោលនយោបាយបរទេស (Director – Head of the Service for Foreign Policy Instruments – FPI) របស់សហភាពអឺរ៉ុប នៅថ្ងៃទី១៦ ខែវិច្ឆិកា ឆ្នាំ២០២៦ នាឱកាសនៃសន្និសីទ អន្តរជាតិស្តីពីសកម្មភាពមីនអ៊ុយក្រែន (Ukraine Mine Action Conference 2026) នៅទីក្រុងព្រុចសែល។
ក្នុងជំនួបនេះ លោក លី ធុជ បានថ្លែងអំណរគុណសហភាពអឺរ៉ុប ដែលបានគាំទ្រ វិស័យសកម្មភាពមីននៅកម្ពុជា ពិសេសចំពោះការប្រកាន់ជំហរអព្យាក្រឹតនិងសន្តិវិធី លើការដោះស្រាយបញ្ហាតាមបណ្តោយព្រំដែនកម្ពុជា-ថៃ និងការគាំទ្រដល់ប្រជាជនភៀសសឹក។
លោក លី ធុជ ក៏បានជម្រាបជូនអំពីស្ថានភាព និងការដោះស្រាយបញ្ហាសំណល់ជាតិផ្ទុះ ដែលបន្សល់ពីជម្លោះព្រំដែន កម្ពុជា-ថៃ និងបានស្នើឱ្យសហភាពអឺរ៉ុបពិចារណា ពង្រីកការគាំទ្រ ទៅកាន់តំបន់រងផល ប៉ះពាល់ផ្សេងទៀតតាមព្រំដែន ដែលកំពុងគំរាមកំហែង ដល់សុវត្ថិភាព ជីវភាពរស់នៅ និងការអភិវឌ្ឍសេដ្ឋកិច្ចសង្គម របស់ប្រជាពលរដ្ឋ។
ជាមួយគ្នានេះ លោក លី ធុជ បានបញ្ជាក់ថា «កម្ពុជាត្រៀមខ្លួនរួចជាស្រេចក្នុងការធ្វើការយ៉ាងជិតស្និទ្ធជាមួយសហភាពអឺរ៉ុប និងក្រុមការងារតំបន់របស់ FPI ដើម្បីជំរុញសកម្មភាពមីនមនុស្សធម៌នៅកម្ពុជា និងក្នុងតំបន់។ ដោយផ្អែកលើបទពិសោធន៍ជាងបីទសវត្សរ៍ក្នុងសកម្មភាពមីន កម្ពុជាត្រៀមជាស្រេចក្នុងការចែករំលែកបទពិសោធន៍ និងជំនាញរបស់ខ្លួនទៅកាន់ប្រទេសផ្សេងៗដែលទទួលរងផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម»។
លោក ក៏បានលើកឡើងអំពីការរួមចំណែករបស់កម្ពុជា ក្នុងការគាំទ្រដល់ប្រទេសអ៊ុយក្រែន តាមរយៈការបណ្តុះបណ្តាល និងការកសាងសមត្ថភាព ដល់អ្នកជំនាញដោះមីនអ៊ុយក្រែន។ លោក បានបញ្ជាក់ថា «កម្ពុជាត្រៀមខ្លួន ក្នុងការបន្តផ្តល់ជំនាញ គ្រូបង្គោល និងទីតាំងបណ្តុះបណ្តាល ដើម្បីគាំទ្រដល់សកម្មភាពដោះមីនមនុស្សធម៌នៅអ៊ុយក្រែន ក្រោមកិច្ចសហការ និងការគាំទ្រពីសហភាពអឺរ៉ុប»។
ជាការឆ្លើយតប លោក Peter M. Wagner បានបញ្ជាក់ជាថ្មីអំពីការប្តេជ្ញាចិត្តរបស់សហភាពអឺរ៉ុបក្នុងការគាំទ្រសន្តិភាព ស្ថិរភាព និងសកម្មភាពមនុស្សធម៌។ លោក Peter M.
Début de l'article, extrait de DAP News. Pour lire la suite, ouvrez l'article chez le média.
MarketNews présente le titre et le résumé publiés par le média. L'article complet se lit sur le site de l'éditeur. (dap-news.com)