តម្លៃមាស បន្តធ្លាក់ចុះ មុនពេលធនាគារកណ្ដាលអាមេរិក ត្រៀមដំឡើងអត្រាការប្រាក់

Resumen detallado
ការដំឡើងអត្រាការប្រាក់ ធ្វើឱ្យប្រាក់ដុល្លារល្អ ហើយធ្វើឱ្យវិនិយោគិនជាច្រើន... The post តម្លៃមាស បន្តធ្លាក់ចុះ មុនពេលធនាគារកណ្ដាលអាមេរិក ត្រៀមដំឡើងអត្រាការប្រាក់ appeared first on…
តម្លៃហាងឆេងមាសបានធ្លាក់ចុះដល់ជាង ៤៦០០ ដុល្លារ ក្នុងមួយតម្លឹង គិតត្រឹមព្រឹកថ្ងៃអង្គារទី ១៥ ខែវិច្ឆិកា ឆ្នាំ ២០២៦ ដោយសារតែសម្ពាធអតិផរណាកើនឡើង ដែលធ្វើឱ្យធនាគារកណ្ដាលសហរដ្ឋអាមេរិក ត្រៀមដំឡើងអត្រាការប្រាក់នៅខែធ្នូខាងមុខនេះ។
លោកឧកញ៉ា ចិន សំណាង ថៅកែហាងពេជ្រ CSNJ បានប្រាប់ឱ្យដឹងនៅព្រឹកថ្ងៃអង្គារនេះ ថា អត្រានៃការដំឡើងអត្រាការប្រាក់របស់ធនាគារកណ្ដាលអាមេរិកសឹងតែ ១០០% នៅថ្ងៃទី ០៩ ខែធ្នូ ឆ្នាំ ២០២៦ខាងមុខ ដែលនឹងទាញឱ្យតម្លៃមាសធ្លាក់ចុះ។
ក្នុងរយៈពេលពេញមួយឆ្នាំ ២០២៦ តម្លៃមាសមិនដែលធ្លាក់ចុះយ៉ាងគំហុកដូចនៅពេលនេះទេ គឺមាសតែងតែឈរក្នុងចន្លោះតម្លៃ ៤០០០ ដុល្លារ ក្នុងមួយអោន (៤៨២០ ដុល្លារ មួយតម្លឹង) ហើយមកដល់ពេលនេះ នៅសល់តែ ៣៨៥៥ ដុល្លារ មួយអោន (៤៦៤៤ ដុល្លារ មួយតម្លឹង) តម្លៃមាសនឹងបន្តចុះបន្ថែមទៀត។
លោក ឡុង សំណាង នាយកអភិវឌ្ឍអាជីវកម្មនៃក្រុមហ៊ុន PP Link securities យល់ឃើញថា៖ «ការដំឡើងអត្រាការប្រាក់ ធ្វើឱ្យប្រាក់ដុល្លារល្អ ហើយធ្វើឱ្យវិនិយោគិនជាច្រើន គាត់មើលឃើញលុយដុល្លារល្អជាង អញ្ចឹងហើយប្រាក់ដុល្លារក៏ទាញឱ្យតម្លៃហាងឆេងមាសធ្លាក់ចុះ ហើយវិនិយោគពីតម្លៃហាងឆេងមាស បែរជាកាន់លុយដុល្លារវិញក៏ជាចំណែកមួយដែរ ធ្វើឱ្យមាសធ្លាក់ចុះ»។
បើតាមលោក ឡុង សំណាង ប្រសិនបើមិនមានព័ត៌មានអត្រាការប្រាក់ តម្លៃមាសមាននិន្នាការកើនឡើង ហើយនៅចុងឆ្នាំនេះ ផុតព័ត៌មានអត្រាការប្រាក់នៅខែ១២ នេះហើយ តម្លៃមាសនឹងកើនឡើងវិញ រហូតដល់ដើមឆ្នាំ ២០២៧។
គិតត្រឹមម៉ោង ៩៖០០ ព្រឹកថ្ងៃអង្គារនេះ តម្លៃហាងឆេងមាសនៅតាមបណ្ដាហាងនានាក្នុងរាជធានីភ្នំពេញ លក់ចេញ ៤៦៨ ដុល្លារ ក្នុងមួយជី៕
Inicio del artículo, extracto de កម្ពុជាថ្មី Kampuchea Thmey. Para leer el resto, abra el artículo en el sitio del medio.
MarketNews muestra el titular y el resumen publicados por el medio. El artículo completo se lee en el sitio del editor. (www.kampucheathmey.com)



