បង្ក្រាបទីតាំងសង្ស័យឆបោកតាមប្រព័ន្ធបច្ចេកវិទ្យា (Online Scams) ចំនួន ៧ ល្វែង នៅក្រុងបាវិត ឃាត់ខ្លួនជនសង្ស័យ ២៦ នាក់ ដកហូតកុំព្យូទ័រ-ទូរសព្ទ រាប់រយគ្រឿង

Resumen detallado
បង្ក្រាបទីតាំងសង្ស័យឆបោកតាមប្រព័ន្ធបច្ចេកវិទ្យា (Online Scams) ចំនួន ៧ ល្វែង នៅក្រុងបាវិត... The post បង្ក្រាបទីតាំងសង្ស័យឆបោកតាមប្រព័ន្ធបច្ចេកវិទ្យា (Online Scams) ចំនួន ៧ ល្វែង…
កាលពីរសៀលថ្ងៃទី ១៦ ខែវិច្ឆិកា ឆ្នាំ ២០២៦ លោក ម៉ែន អេង អភិបាលរងខេត្តស្វាយរៀង បានដឹកនាំកម្លាំងចម្រុះ ចុះស្រាវជ្រាវ និង បង្ក្រាបទីតាំងសង្ស័យពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) ចំនួន ៧ ល្វែង ដោយឃាត់ខ្លួនជនសង្ស័យ ២៦ នាក់ ព្រមទាំងដកហូតកុំព្យូទ័រ-ទូរសព្ទ រាប់រយគ្រឿង ស្ថិតក្នុងភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង។
តាមរយៈការចុះឆែកឆេរ និង ត្រួតពិនិត្យជាក់ស្តែងនៅលើទីតាំងសង្ស័យទាំង ៧ ល្វែង សមត្ថកិច្ចរកឃើញវត្ថុតាង និង ជនបរទេសពាក់ព័ន្ធ រួមមាន ៖ ទីតាំងទី ១ ៖ ផ្ទះលេខ A-3 (យីហោ ម្ហូបស្រុកកំណើតហឺណាន អានហួយ) រកឃើញជនជាតិឥណ្ឌូណេស៊ី ១១ នាក់ (ស្រី ៤ នាក់ មានលិខិតឆ្លងដែន) និង ជនជាតិខ្មែរ ១ នាក់ (ស្រី) ព្រមទាំងកុំព្យូទ័រ All-in-One ៩ គ្រឿង , ទូរសព្ទចម្រុះ ១១ គ្រឿង និង ទូរសព្ទផ្ទាល់ខ្លួន ១៩ គ្រឿង។ ទីតាំងទី ២ ៖ យីហោ ហាងលក់ទា មាន់ ក្ងាន និង គ្រឿងសមុទ្រ រកឃើញកុំព្យូទ័រ All-in-One ៥ គ្រឿង និង ទូរសព្ទចម្រុះ ៣១ គ្រឿង។ ទីតាំងទី ៣ ៖ ផ្ទះលេខ B-17 រកឃើញកុំព្យូទ័រ All-in-One ១៣ គ្រឿង , ទូរសព្ទចម្រុះ ២២ គ្រឿង , ម៉ូនីទ័រ ២ គ្រឿង , ធុង CPU ២ គ្រឿង និង លិខិតឆ្លងដែន ២ ក្បាល។ ទីតាំងទី ៤ ៖ ផ្ទះលេខ B-18 (យីហោ ក្លឹបប៊ីយ៉ាដែកភ្លើង)…
ក្រោយពីត្រួតពិនិត្យយ៉ាងហ្មត់ចត់លើសម្ភារៈ និង គ្រឿងអេឡិចត្រូនិកទាំងនោះ ក្រុមការងាររកឃើញមានតម្រុយយ៉ាងច្បាស់លាស់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams)។ ហេតុនេះ សមត្ថកិច្ចសម្រេចឃាត់ខ្លួនមនុស្សសរុបចំនួន ២៦ នាក់ (ស្រី ៩ នាក់) រួមទាំងវត្ថុតាងជាគ្រឿងអេឡិចត្រូនិកទាំងអស់ ប្រគល់ជូនការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលខេត្តស្វាយរៀង ដើម្បីបន្តនីតិវិធីច្បាប់ និង សម្រេចបិទទីតាំងផ្ទះល្វែងទាំង ៧ ខាងលើ ជាបណ្តោះអាសន្នផងដែរ៕អត្ថបទ ៖ ភក្ដី
Inicio del artículo, extracto de កម្ពុជាថ្មី Kampuchea Thmey. Para leer el resto, abra el artículo en el sitio del medio.
MarketNews muestra el titular y el resumen publicados por el medio. El artículo completo se lee en el sitio del editor. (www.kampucheathmey.com)



