តម្លៃមាស ដាំក្បាលចុះដល់ ៤៨០០ ដុល្លារ មួយតម្លឹង
Résumé détaillé
តម្លៃមាសធ្លាក់ចុះនៅប៉ុន្មានថ្ងៃនេះ ដោយសារតែភាគរយខ្ពស់ ជាង ៩០% នៃការតម្លើងអត្រាការប្រាក់... The post តម្លៃមាស ដាំក្បាលចុះដល់ ៤៨០០ ដុល្លារ មួយតម្លឹង appeared first on Kampuchea…
តម្លៃហាងឆេងមាសបានធ្លាក់ចុះដល់ ៤៨០០ ដុល្លារ ក្នុងមួយតម្លឹង គិតត្រឹមព្រឹកថ្ងៃព្រហស្បតិ៍ទី ១២ ខែវិច្ឆិកា ឆ្នាំ ២០២៦ ដោយសារតែសម្ពាធអតិផរណាកើនឡើង ដែលធ្វើឱ្យធនាគារកណ្ដាលសហរដ្ឋអាមេរិកត្រៀមដំឡើងអត្រាការប្រាក់នៅខែធ្នូខាងមុខនេះ។
លោក ឡុង សំណាង នាយកអភិវឌ្ឍអាជីវកម្មនៃក្រុមហ៊ុន PP Link securities ប្រាប់កម្ពុជាថ្មីនៅថ្ងៃព្រហស្បតិ៍នេះថា តម្លៃមាសធ្លាក់ចុះនៅប៉ុន្មានថ្ងៃនេះ ដោយសារតែភាគរយខ្ពស់ ជាង ៩០% នៃការតម្លើងអត្រាការប្រាក់របស់ធនាគារកណ្ដាលសហរដ្ឋអាមេរិក។
លោក ឡុង សំណាង យល់ឃើញថា៖ «ការដំឡើងអត្រាការប្រាក់ ធ្វើឱ្យប្រាក់ដុល្លារល្អ ហើយធ្វើឱ្យវិនិយោគិនជាច្រើន គាត់មើលឃើញលុយដុល្លារល្អជាង អញ្ចឹងហើយប្រាក់ដុល្លារក៏ទាញឱ្យតម្លៃហាងឆេងមាសធ្លាក់ចុះ ហើយវិនិយោគពីតម្លៃហាងឆេងមាស បែរជាកាន់លុយដុល្លារវិញក៏ជាចំណែកមួយដែរ ធ្វើឱ្យមាសធ្លាក់ចុះ»។
បើតាមលោក ឡុង សំណាង ប្រសិនបើមិនមានព័ត៌មានអត្រាការប្រាក់ តម្លៃមាសមាននិន្នាការកើនឡើង ហើយនៅចុងឆ្នាំនេះ ផុតព័ត៌មានអត្រាការប្រាក់នៅខែ១២ នេះហើយ តម្លៃមាងនឹងកើនឡើងវិញ រហូតដល់ដើមឆ្នាំ ២០២៧។
គិតត្រឹមម៉ោង ៩៖០០ ព្រឹកថ្ងៃព្រហស្បតិ៍នេះ តម្លៃហាងឆេងមាសនៅតាមបណ្ដាហាងនានាក្នុងរាជធានីភ្នំពេញ លក់ចេញ ៤៨០ ដុល្លារ ក្នុងមួយជី ពោលគឺមានការធ្លាក់ចុះយ៉ាងគំហុកបើធៀបនឹងកាលពីដើមសប្ដាហ៍ដែលមានតម្លៃជិត ៥០០ ដុល្លារ ក្នុងមួយជី៕
Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.
MarketNews présente le titre et le résumé publiés par le média. L'article complet se lit sur le site de l'éditeur. (www.kampucheathmey.com)
