← Volver a la portada
Asia · Actualidad general · DAP News

ធនាគារឆុនប៊ុក កំពុងព្យាយាមពង្រីកទីផ្សារនៅអាស៊ី ដោយចាប់ផ្តើមពីកម្ពុជា

Publicado por DAP News · Camboya hace 11 min
ធនាគារឆុនប៊ុក កំពុងព្យាយាមពង្រីកទីផ្សារនៅអាស៊ី ដោយចាប់ផ្តើមពីកម្ពុជា
DAP News

Resumen detallado

ភ្នំពេញ ៖ លោក Yang Kwang Young នាយករងនៃធនាគារឆុនប៊ុករបស់កូរ៉េខាងត្បូងបានបញ្ជាក់ថា ធនាគារឆុនប៊ុក បាននិងកំពុងព្យាយាម ពង្រីកទីផ្សាររបស់ខ្លួន ក្នុងបណ្តាប្រទេសអាស៊ីអាគ្នេយ៍…

ភ្នំពេញ ៖ លោក Yang Kwang Young នាយករងនៃធនាគារឆុនប៊ុករបស់កូរ៉េខាងត្បូងបានបញ្ជាក់ថា ធនាគារឆុនប៊ុក បាននិងកំពុងព្យាយាម ពង្រីកទីផ្សាររបស់ខ្លួន ក្នុងបណ្តាប្រទេសអាស៊ីអាគ្នេយ៍ ដោយចាប់ផ្តើមពីប្រទេសកម្ពុជា ។

ក្នុងជំនួបពិភាក្សាការងារជាមួយលោក ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ នៅស្ថានទូតកម្ពុជា ក្នុងទីក្រុងសេអ៊ូល លោក Yang Kwang បានប្រាប់ឯកអគ្គរាជទូត អំពីសាវតា និងសេវាកម្មហិរញ្ញវត្ថុរបស់ធនាគារ ។

លោកបញ្ជាក់ថា ធនាគារឆុនប៊ុកកំពុងព្យាយាមពង្រីកទីផ្សាររបស់ខ្លួនក្នុងបណ្តាប្រទេសអាស៊ីអាគ្នេយ៍ ដោយចាប់ផ្តើមពីប្រទេសកម្ពុជា ព្រោះធនាគារតែងចាត់ទុកប្រទេសកម្ពុជាជាដៃគូសហការដ៏សំខាន់ ។

ជាមួយគ្នានេះ លោកសង្ឃឹមថា នឹងអាចចូលរួមចំណែកក្នុងការអភិវឌ្ឍន៍វិស័យហិរញ្ញវត្ថុក្នុងប្រទេសកម្ពុជា តាមរយៈវគ្គបណ្តុះបណ្តាលផ្នែកហិរញ្ញវត្ថុ និងបង្កើតការងារសម្រាប់ប្រជាពលរដ្ឋកម្ពុជាទាំងក្នុងប្រទេសកូរ៉េ និងនៅប្រទេសកម្ពុជា ។

ជាកិច្ចឆ្លើយតប ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានថ្លែងអំណរគុណ ចំពោះធនាគារ ដែលបានផ្តល់ទំនុកចិត្តលើវិស័យហិរញ្ញវត្ថុ របស់ប្រទេសកម្ពុជា ។ លោកទូតបានលើកទឹកចិត្តដល់ធនាគារពិនិត្យលទ្ធភាពបើកសាខារបស់ខ្លួនក្នុងប្រទេសកម្ពុជា ដោយបានលើកឡើង អំពីលក្ខខណ្ឌអំណោយផល និងសក្តានុពលនៃការវិនិយោគក្នុងប្រទេសកម្ពុជា និងការត្រៀមខ្លួនសហការរបស់ស្ថានទូត ក្នុងការសម្របសម្រួល ដល់ធនាគារតាមតម្រូវការជាក់ស្តែង ។លោកឃួន ផុនរតនៈ ក៏បានស្នើធនាគារចូលរួមសហការជាមួយស្ថានទូតក្នុងសកម្មភាព ឬព្រឹត្តិការណ៍នានា នាឆ្នាំខាងមុខផងដែរ៕

Inicio del artículo, extracto de DAP News. Para leer el resto, abra el artículo en el sitio del medio.

Leer el artículo completo en DAP News Inicie sesión para guardar

MarketNews muestra el titular y el resumen publicados por el medio. El artículo completo se lee en el sitio del editor. (dap-news.com)