លោក ម៉ាក្រុង អញ្ជើញចូលរួមកិច្ចហ្វ្រង់កូហ្វូនី ខណៈកម្ពុជា-បារាំង គ្រោងចុះកិច្ចព្រមព្រៀងចំនួន ២៨
Resumen detallado
នេះគឺជាដំណើរទស្សនកិច្ចលើកដំបូងរបស់ប្រធានាធិបតីបារាំង លោក Emmanuel Macron មកកាន់ប្រទេសកម្ពុជា ចាប់តាំងពីដំណើរទស្សនកិច្ចរបស់ លោក François Mitterrand The post លោក ម៉ាក្រុង…
ប្រធានាធិបតីបារាំង លោក អេម៉ានូអែល ម៉ាក្រុង (Emmanuel Macron) បានធ្វើដំណើរមកដល់រាជធានីភ្នំពេញ ប្រទេសកម្ពុជា កាលពីថ្ងៃសៅរ៍ ទី១៤ ខែវិច្ឆិកា ពោលគឺនៅល្ងាចនៃការចាប់ផ្តើមកិច្ចប្រជុំកំពូល ហ្វ្រង់កូហ្វូនី មុននឹងលោកធ្វើដំណើរទៅកាន់ប្រទេសម៉ាឡេស៊ី។
នេះគឺជាដំណើរទស្សនកិច្ចលើកដំបូងរបស់ប្រធានាធិបតីបារាំង លោក ម៉ាក្រុង មកកាន់ប្រទេសកម្ពុជា ចាប់តាំងពីដំណើរទស្សនកិច្ចរបស់ លោក François Mitterrand កាលពីឆ្នាំ ១៩៩៣ មក។
លោក ម៉ាក្រុង នឹងចូលរួមក្នុងកិច្ចប្រជុំកំពូលនៃអង្គការអន្តរជាតិហ្វ្រង់កូហ្វូនី (OIF) នៅថ្ងៃអាទិត្យ ទី១៥ និងថ្ងៃចន្ទ ទី១៦ ខែវិច្ឆិកា ស្របពេលដែលបារាំង និងកម្ពុជា គ្រោងនឹងចុះកិច្ចព្រមព្រៀងជាងច្រើនដើម្បីពង្រឹងកិច្ចសហប្រតិបត្តិការរវាងប្រទេសទាំង២។
ក្នុងដំណើរទស្សនកិច្ចនេះ លោកនឹងអមដំណើរជាមួយភរិយាគឺ លោកស្រី Brigitte Macron ហើយក៏គ្រោងនឹងជួបពិភាក្សាជាមួយនាយករដ្ឋមន្ត្រីកម្ពុជា គឺសម្តេចធិបតី លោក ហ៊ុន ម៉ាណែត នៅរាជធានីភ្នំពេញ ព្រមទាំងចុះហត្ថលេខាលើកិច្ចព្រមព្រៀងចំនួន ២៨ លើវិស័យផ្សេងៗគ្នា ផ្តោតលើវិស័យការពារជាតិ បញ្ញាសិប្បនិម្មិត (AI) ថាមពល សុខាភិបាល និងបេតិកភណ្ឌ ជាដើម។ នេះបើយោងទៅតាមសារព័ត៌មាន Intelligence Online។
នៅរសៀលថ្ងៃចន្ទ ប្រធានាធិបតីបារាំង នឹងអញ្ជើញទៅកាន់តំបន់បុរាណវិទ្យាអង្គរ ក្នុងខេត្តសៀមរាប ដើម្បីចូលរួមក្នុងពិធីបិទគម្រោងជួសជុលប្រាសាទមេបុណ្យខាងលិច រួមជាមួយព្រះមហាក្សត្រកម្ពុជា ព្រះករុណា ព្រះបាទសម្តេចព្រះបរមនាថ នរោត្តម សីហមុនី។ គម្រោងនេះ គឺជាលទ្ធផលនៃកិច្ចសហប្រតិបត្តិការរយៈពេល ១៤ឆ្នាំ រវាងប្រទេសទាំងពីរ។
ខណៈចលនាសង្គម នៅតែបន្តកើតមានក្នុងប្រទេសបារាំង ហើយនឹងមានការតវ៉ាថ្មីៗបន្ថែមទៀតនៅថ្ងៃសៅរ៍នោះ លោក ម៉ាក្រុង នឹងធ្វើដំណើរទៅកាន់ប្រទេសម៉ាឡេស៊ី ដែលនៅទីនោះ លោកត្រូវបានគេរំពឹងថា នឹងប្រកាសអំពីកិច្ចព្រមព្រៀងសហប្រតិបត្តិការលើវិស័យការពារជាតិ និងធនធានរ៉ែកម្រ។ នេះបើយោងតាមសារព័ត៌មាន France24 កាលពីថ្ងៃទី១៤ ខែវិច្ឆិកា។
នៅក្នុងតំបន់នេះ ក៏នឹងមានកិច្ចប្រជុំកំពូលសំខាន់ៗចំនួនពីរផ្សេងទៀត នៅរយៈពេលប៉ុន្មានថ្ងៃខាងមុខ ផងដែរ គឺកិច្ចប្រជុំកំពូលនៃសមាគមប្រជាជាតិអាស៊ីអាគ្នេយ៍ (ASEAN) នៅទីក្រុងម៉ានីល ដោយនឹងមានវត្តមានរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ និងកិច្ចប្រជុំប្រចាំឆ្នាំនៃវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក…
Inicio del artículo, extracto de កម្ពុជាថ្មី Kampuchea Thmey. Para leer el resto, abra el artículo en el sitio del medio.
MarketNews muestra el titular y el resumen publicados por el medio. El artículo completo se lee en el sitio del editor. (www.kampucheathmey.com)
