← Volver a la portada
Asia · Actualidad general · DAP News

«បទសម្ភាសន៍ពិសេស ជាមួយលោកបណ្ឌិត កៅ គឹមហួន» រំពឹងថា រដ្ឋសមាជិកអាស៊ានទាំងអស់ នឹងអាចចូលជាសមាជិកអង្គការ APEC

Publicado por DAP News · Camboya hace 16 min
«បទសម្ភាសន៍ពិសេស ជាមួយលោកបណ្ឌិត កៅ គឹមហួន» រំពឹងថា រដ្ឋសមាជិកអាស៊ានទាំងអស់ នឹងអាចចូលជាសមាជិកអង្គការ APEC
DAP News

Resumen detallado

នា​ពេល​ថ្មីៗ​កន្លង​ទៅនេះ លោក កៅ គឹមហួន អគ្គលេខាធិការអាស៊ាន បានផ្ដល់​បទ​សម្ភាស​ន៍​ពិសេសដល់​​កម្មវិធី«កិច្ចសម្ភាសន៍ជាន់ខ្ពស់»នៃអគ្គស្ថានីយ៍វិទ្យុ​និង​ទូរទស្សន៍មជ្ឈិមចិន​…

នា​ពេល​ថ្មីៗ​កន្លង​ទៅនេះ លោក កៅ គឹមហួន អគ្គលេខាធិការអាស៊ាន បានផ្ដល់​បទ​សម្ភាស​ន៍​ពិសេសដល់​​កម្មវិធី«កិច្ចសម្ភាសន៍ជាន់ខ្ពស់»នៃអគ្គស្ថានីយ៍វិទ្យុ​និង​ទូរទស្សន៍មជ្ឈិមចិន​ នៅ​ទីក្រុងហ្សាកាតា ប្រទេសឥណ្ឌូនេស៊ី។

កិច្ចប្រជុំក្រៅផ្លូវការលើកទី៣៣ នៃថ្នាក់ដឹកនាំ​អ​ង្គ​ការ​សហប្រតិបតិ្តការសេដ្ឋកិច្ច អាស៊ី-ប៉ាស៊ីហ្វិក ជិត​នឹងប្រព្រឹត្តទៅនៅក្រុង សិនជិន​ប្រ​ទេស​ចិន​ ។ ក្នុងនាមជាអ្នកសង្កេតការណ៍មួយ របស់កិច្ច​ប្រជុំ​APEC​ តើលេខាធិការដ្ឋាន​អា​ស៊ាន​យល់ដឹងយ៉ាងណាចំពោះប្រធានបទ “ការកសាងសហគមន៍ជោគវាសនារួម​អាស៊ី-ប៉ា​ស៊ី​ហ្វិក​ និងជំរុញវិបុលភាពរួម” ?

លោក កៅ គឹមហួន បានបញ្ជាក់ថា ក្នុងចំណោមប្រទេសសមាជិកទាំង១១ របស់អាស៊ាន មា​ន​ប្រទេសចំនួន៧ ក៏ជាសមាជិកអង្គការ​APECផងដែរ។ ខ្ញុំ​រំពឹងថា នាពេលអនាគត សមា​ជិក​អាស៊ានទាំងអស់នឹងអាចចូលជាសមាជិកអង្គការ​​APEC។លោកបានគូសបញ្ជាក់​ថា គ្មានអ្វីគួរ​ឱ្យ​សង្ស័យ​ឡើយ តំបន់អាស៊ី-ប៉ាស៊ីហ្វិក គឺជា​ក្បាលម៉ា​ស៊ីន​សម្រាប់​ជំរុញកំណើនសេដ្ឋកិច្ចសកល ។ដូច្នេះ​ យើង​ចាំបាច់​ត្រូវ​ប្រកាន់ខ្ជាប់​ទិស​ដៅ​បើក​ចំហ និង​រក្សានិន្នាការ​បើក​ទូលាយ​ខាង​ពាណិជ្ជកម្ម ។

ជាមួយគ្នានេះ ការច្នៃប្រឌិតថ្មី​ក៏​មាន​សារ​សំខាន់ដូចគ្នាដែរ ដោយបច្ចេកវិទ្យាគឺ​ជា​កម្លាំង​ជំរុញស្នូល​នៃ​ការ​អភិ​វឌ្ឍ​សេដ្ឋ​កិច្ច​នា​ពេលបច្ចុប្បន្ននិងអនាគត។ លោកបានបន្តថា នៅពេលយើងថ្លែង​អំពីការបើកចំហ និង​ការ​ច្នៃប្រឌិតថ្មី​ យើងក៏ត្រូវពិភាក្សា​អំពីបញ្ហា​ថាតើ​ធ្វើ​យ៉ាង​ម៉េច ទើប​អាច​សម្រេច​បាននូវ​វិបុល​ភាពរួមក្នុងតំបន់នេះផងដែរ។ យើងត្រូវគិតពិចារណា​ថា តើ​ធ្វើយ៉ាង​ណាអាច​ធ្វើ​ឱ្យ​កំ​ណើន​សេដ្ឋកិច្ច ផ្តល់ផលប្រយោជន៍ដល់មនុស្សគ្រប់គ្នា ៕

Inicio del artículo, extracto de DAP News. Para leer el resto, abra el artículo en el sitio del medio.

Leer el artículo completo en DAP News Inicie sesión para guardar

MarketNews muestra el titular y el resumen publicados por el medio. El artículo completo se lee en el sitio del editor. (dap-news.com)