ទូតអាមេរិកជួបឧបនាយករដ្ឋមន្ត្រី ប្រាក់ សុខុន បញ្ជាក់ជំហរគាំទ្រសន្តិភាពតាមព្រំដែនកម្ពុជា-ថៃ

Résumé détaillé
សហរដ្ឋអាមេរិកបានបញ្ជាក់ជាថ្មីពីការគាំទ្រសន្តិភាព និងស្ថិរភាពតាមព្រំដែនកម្ពុជា-ថៃ តាមរយៈកិច្ចខិតខំប្រឹងប្រែងដោះស្រាយបញ្ហាដោយ The post ទូតអាមេរិកជួបឧបនាយករដ្ឋមន្ត្រី ប្រាក់ សុខុន…
សហរដ្ឋអាមេរិកបានបញ្ជាក់ជាថ្មីពីការគាំទ្រសន្តិភាព និងស្ថិរភាពតាមព្រំដែនកម្ពុជា-ថៃ តាមរយៈកិច្ចខិតខំប្រឹងប្រែងដោះស្រាយបញ្ហានេះដោយមធ្យោបាយសន្តិវិធី ឈរលើមូលដ្ឋាននៃកិច្ចព្រមព្រៀងសន្តិភាពទីក្រុងគូឡាឡាំពួ។ ការបញ្ជាក់នេះបានធ្វើឡើងដោយឯកអគ្គរដ្ឋទូតថ្មីអាមេរិកប្រចាំកម្ពុជា លោក គ្រីស្តូហ្វឺ អានដ័រសុន (Christopher Anderson) នៅក្នុងជំនួបជាលើកដំបូងជាមួយឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា កាលពីថ្ងៃទី១៩ ខែវិច្ឆិកា ឆ្នាំ២០២៦។
បញ្ហាជម្លោះព្រំដែនកម្ពុជា-ថៃ ដែលកំពុងអូសបន្លាយនេះ ត្រូវបានភាគីទាំងពីរ លើកឡើងមកជជែកក្នុងជំនួបនោះ។ តាមរយៈខ្លឹមសារដែលបានផ្សព្វផ្សាយលើទំព័រហ្វេសប៊ុកផ្លូវការរបស់ស្ថានទូតអាមេរិកប្រចាំកម្ពុជា បានឱ្យដឹងថា ក្នុងជំនួបនោះ ឯកអគ្គរដ្ឋទូត គ្រីស្តូហ្វឺ អានដ័រសុន បានបញ្ជាក់ជាថ្មីនូវការប្តេជ្ញាចិត្តរបស់រដ្ឋាភិបាលទីក្រុងវ៉ាស៊ីនតោនចំពោះស្ថិរភាពក្នុងតំបន់ ដោយបន្តកសាងលើមូលដ្ឋាននៃកិច្ចព្រមព្រៀងសន្តិភាពទីក្រុងគូឡាឡាំពួរ។
លោកឯកអគ្គរដ្ឋទូត ក៏បានលើកឡើងពីការគាំទ្រជាបន្តបន្ទាប់របស់សហរដ្ឋអាមេរិកចំពោះសហគមន៍រស់នៅតាមបណ្តោយព្រំដែនកម្ពុជា-ថៃ តាមរយៈការផ្តល់ជំនួយមនុស្សធម៌ដល់គ្រួសារភៀសខ្លួនជាង ១ម៉ឺនគ្រួសារ និងការគាំទ្រប្រតិបត្តិការបោសសម្អាតមីននៅភូមិចំនួន ៣៤០ តាមបណ្តោយព្រំដែន។
លោក ប្រាក់ សុខុន បានសម្តែងអំណរគុណចំពោះតួនាទីរបស់សហរដ្ឋអាមេរិក ក្នុងការសម្របសម្រួលឱ្យមានកិច្ចព្រមព្រៀងបទឈប់បាញ់ និងកិច្ចព្រមព្រៀងសន្តិភាពទីក្រុងកូឡាឡាំពួរ ព្រមទាំងការយកចិត្តទុកដាក់ជាបន្តបន្ទាប់ចំពោះស្ថានការណ៍នៅតាមបណ្តោយព្រំដែនប្រទេសទាំងពីរ។ លោកឧបនាយករដ្ឋមន្ត្រី បានលើកឡើងបន្ថែមដោយប្រាប់ឯកអគ្គរដ្ឋទូតអាមេរិកអំពីស្ថានការណ៍ព្រំដែន និងបានបញ្ជាក់ជាថ្មីនូវជំហររបស់កម្ពុជា ដែលជ្រើសរើសដំណោះស្រាយដោយសន្តិវិធី ដោយផ្អែកលើច្បាប់អន្តរជាតិ និងកិច្ចព្រមព្រៀងទ្វេភាគីដែលមានស្រាប់។
ក្រៅពីបញ្ហាព្រំដែន ជំនួបលើកដំបូងរវាងប្រមុខការទូតកម្ពុជា និងឯកអគ្គរដ្ឋទូតអាមេរិក ក៏បានផ្តោតការពិភាក្សាលើការស្វែងរកវិធីពង្រឹងទំនាក់ទំនងរវាងប្រទេសទាំងពីរ ដោយភាគីទាំងពីរបានសម្តែងការពេញចិត្តចំពោះវឌ្ឍនភាពនៃកិច្ចសហប្រតិបត្តិការកម្ពុជា-អាមេរិក ក្នុងរយៈពេលប៉ុន្មានឆ្នាំចុងក្រោយនេះ។
ភាគីទាំងពីរ បានបញ្ជាក់ជាថ្មីពីការប្តេជ្ញាចិត្តក្នុងការពង្រឹងទំនាក់ទំនងទ្វេភាគីឱ្យកាន់តែស៊ីជម្រៅ ព្រមទាំងពង្រីកកិច្ចសហប្រតិបត្តិការលើវិស័យអាទិភាពនានា រួមមានពាណិជ្ជកម្ម និងវិនិយោគ…
លើសពីនេះ…
Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.
MarketNews présente le titre et le résumé publiés par le média. L'article complet se lit sur le site de l'éditeur. (www.kampucheathmey.com)