← Retour à la une
Asie · Actualité générale · កម្ពុជាថ្មី Kampuchea Thmey

មន្ត្រីជំនាញមន្ទីរកសិកម្មខេត្តក្រចេះ ចុះចាក់វ៉ាក់សាំងការពារជំងឺសារទឹកគោ-ក្របី ជូនពលរដ្ឋនៅឃុំស្រែចារ ស្រុកស្នួល

Publié par កម្ពុជាថ្មី Kampuchea Thmey · Cambodge il y a 28 min
មន្ត្រីជំនាញមន្ទីរកសិកម្មខេត្តក្រចេះ ចុះចាក់វ៉ាក់សាំងការពារជំងឺសារទឹកគោ-ក្របី ជូនពលរដ្ឋនៅឃុំស្រែចារ ស្រុកស្នួល
កម្ពុជាថ្មី Kampuchea Thmey

Résumé détaillé

មន្ត្រីជំនាញមន្ទីរកសិកម្មខេត្តក្រចេះ ចុះចាក់វ៉ាក់សាំងការពារជំងឺសារទឹកគោ-ក្របី ជូនពលរដ្ឋនៅឃុំស្រែចារ ស្រុកស្នួល.... The post មន្ត្រីជំនាញមន្ទីរកសិកម្មខេត្តក្រចេះ…

ដើម្បីធានាបាននូវសុខុមាលភាពសត្វពាហនៈ និងកាត់បន្ថយហានិភ័យនៃការបាត់បង់ប្រាក់ចំណូលរបស់ប្រជាកសិករ កាលពីថ្ងៃទី១៨ ខែវិច្ឆិកា ឆ្នាំ២០២៦ មន្ត្រីជំនាញនៃមន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ បានចុះអនុវត្តយុទ្ធនាការចាក់វ៉ាក់សាំងការពារជំងឺឆ្លងលើសត្វគោ-ក្របី ជូនប្រជាពលរដ្ឋនៅមូលដ្ឋានឃុំស្រែចារ ស្រុកស្នួល។

បេសកកម្មចុះបំពេញការងារនេះ ដឹកនាំដោយលោក កេត សារឿន ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ រួមជាមួយសហការី ដោយមានការចូលរួមសហការយ៉ាងជិតស្និទ្ធពីមន្ត្រីការិយាល័យកសិកម្ម ធនធានធម្មជាតិ និងបរិស្ថានស្រុកស្នួល ព្រមទាំងអាជ្ញាធរភូមិ-ឃុំនៅមូលដ្ឋានផ្ទាល់។

ក្នុងឱកាសនោះ ក្រុមការងារបច្ចេកទេសបានចុះចាក់វ៉ាក់សាំងការពារជំងឺសារទឹក ដែលជាប្រភេទជំងឺឆ្លងដ៏កាចសាហាវមួយតែងតែកើតមានលើសត្វគោ និងក្របី។ ក្រៅពីការចាក់វ៉ាក់សាំង មន្ត្រីជំនាញក៏បានធ្វើការណែនាំ និងផ្សព្វផ្សាយបន្ថែមដល់ប្រជាពលរដ្ឋ អំពីវិធីសាស្ត្រថែទាំសុខភាពសត្វ ការរក្សាអនាម័យក្រោល និងការតាមដានរោគសញ្ញាជំងឺផ្សេងៗ ដើម្បីរាយការណ៍ទៅមន្ត្រីបសុពេទ្យភូមិ ឬការិយាល័យជំនាញឱ្យបានទាន់ពេលវេលា ក្នុងករណីសង្ស័យមានជំងឺឆ្លងកើតឡើង។

គួរបញ្ជាក់ផងដែរថា ការចុះចាក់វ៉ាក់សាំងបង្ការជំងឺសត្វនេះ គឺជាផ្នែកមួយយ៉ាងសំខាន់នៃផែនការសកម្មភាពរបស់មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ ក្នុងការទប់ស្កាត់ការឆ្លងរាលដាលជំងឺសត្វនៅតាមសហគមន៍ និងជំរុញការចិញ្ចឹមសត្វរបស់ប្រជាកសិករឱ្យកាន់តែមានភាពរីកចម្រើនប្រកបដោយនិរន្តរភាព៕ អត្ថបទ៖ ប្រុញ វិធិន

Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.

Lire l'article complet sur កម្ពុជាថ្មី Kampuchea Thmey Connectez-vous pour sauvegarder

MarketNews présente le titre et le résumé publiés par le média. L'article complet se lit sur le site de l'éditeur. (www.kampucheathmey.com)