ទូតថ្មីអាម៉េរិកប្តេជ្ញាពង្រឹងទំនាក់ទំនងជាមួយកម្ពុជា ពង្រីកពាណិជ្ជកម្ម និងប្រឆាំងឧក្រិដ្ឋកម្មឆ្លងដែន ពិសេសការឆបោក

Résumé détaillé

ទូតថ្មីអាម៉េរិកប្តេជ្ញាពង្រឹងទំនាក់ទំនងជាមួយកម្ពុជា ពង្រីកពាណិជ្ជកម្ម និងប្រឆាំងឧក្រិដ្ឋកម្មឆ្លងដែន ពិសេសការឆបោក The post ទូតថ្មីអាម៉េរិកប្តេជ្ញាពង្រឹងទំនាក់ទំនងជាមួយកម្ពុជា…

ឯកអគ្គរដ្ឋទូតសហរដ្ឋអាម៉េរិកប្រចាំកម្ពុជា លោក គ្រីស្តូហ្វឺរ អ៊ែនដឺសឹន ប្តេជ្ញាពង្រឹងទំនាក់ទំនងជាមួយកម្ពុជា ពង្រីកពាណិជ្ជកម្ម និងប្រឆាំងឧក្រិដ្ឋកម្មឆ្លងដែន ពិសេសការឆបោកតាមប្រព័ន្ធប​ច្ចេកវិទ្យា។ នេះបើតាមការឱ្យដឹងដោយស្ថានទូតអាម៉េរិកប្រចាំកម្ពុជា តាមរយៈទំព័រហ្វេសប៊ុកផ្លូវការ នាថ្ងៃទី១០ ខែវិច្ឆិកា បន្ទាប់ពីឯកអគ្គរដ្ឋទូត បានចូលក្រាបបង្គំទូលថ្វាយសារតាំងព្រះមហាក្សត្រកម្ពុជា នៅព្រះបរមរាជវាំង ក្នុងរាជធានីភ្នំពេញ ដែលនេះជាការចាប់ផ្តើមបំពេញបេសកកម្មការទូតជាផ្លូវការ។

ស្ថានទូតអាម៉េរិកអះអាងថា លោកឯកអគ្គរដ្ឋទូត អ៊ែនដឺសឹន បានមកដល់ប្រទេសកម្ពុជាក្នុងពេលវេលាដ៏សំខាន់មួយសម្រាប់ទំនាក់ទំនងរវាងសហរដ្ឋអាមេរិក និងកម្ពុជា។ ក្រោមការដឹកនាំរបស់លោកប្រធានាធិបតី ត្រាំ ប្រទេសទាំងពីរកំពុងជំរុញសន្ទុះថ្មីនៃទំនាក់ទំនង ដោយផ្អែកលើការគោរពគ្នាទៅវិញទៅមក និងការពង្រឹងកិច្ចសហប្រតិបត្តិការផ្នែកសេដ្ឋកិច្ច និងសន្តិសុខ។

ស្ថានទូតអាម៉េរិក អះអាងថា ៖«ដោយផ្អែកលើសន្ទុះនេះ ឯកអគ្គរដ្ឋទូត អ៊ែនដឺសឹន ប្តេជ្ញាចិត្តយ៉ាងមុតមាំក្នុងការពង្រឹងទំនាក់ទំនងទ្វេភាគី ជំរុញសន្តិភាព និងសន្តិសុខក្នុងតំបន់ ពង្រីកពាណិជ្ជកម្ម និងការវិនិយោគដែលផ្តល់ផលប្រយោជន៍ទៅវិញទៅមក ព្រមទាំងធ្វើការរួមគ្នាក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន រួមទាំងបណ្តាញឆបោកផងដែរ។ »។

លោកឯកអគ្គរដ្ឋទូត អ៊ែនដឺសឹន ទន្ទឹងរង់ចាំធ្វើការយ៉ាងជិតស្និទ្ធជាមួយដៃគូកម្ពុជា ដើម្បីប្រែក្លាយសន្ទុះនៃទំនាក់ទំនងនេះឱ្យទៅជាវឌ្ឍនភាពដ៏មានអត្ថន័យ ដែលនាំមកនូវផលប្រយោជន៍ជាក់ស្តែង និងយូរអង្វែងសម្រាប់ប្រជាជនអាមេរិក និងប្រជាជនកម្ពុជា។

កម្ពុជាសម្រេចបានការនាំចេញទំនិញជាង ១៣ ពាន់លានដុល្លារ ទៅកាន់ទីផ្សារសហរដ្ឋអាមេរិកនៅក្នុងរយៈពេល ១០ ខែ ឆ្នាំ ២០២៦ កើនឡើង ២៩,១% ធៀបនឹងរយៈពេលដូចគ្នា កាលពីឆ្នាំមុន។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា (GDCE) ចេញផ្សាយនៅថ្ងៃទី ១០ ខែវិច្ឆិកា ឆ្នាំ ២០២៦។

លោក គ្រីស្ដូហ្វឺរ អ៊ែន​ដឺ​សឹន បាន​ស្បថ​ចូល​កាន់​តំណែង​ជា​ឯកអគ្គរដ្ឋ​ទូត​កម្ពុជា​នៅ​ចំពោះ​មុខ​រដ្ឋ​មន្ត្រី​ការបរទេស​អាមេរិក​លោក ម៉ាកូ រ៊ូប៊ីអូ កាល​ពី​ថ្ងៃ​ទី​១៦ ខែ​កញ្ញា ​ឆ្នាំ​២០២៦។ លោក​ធ្លាប់​បាន​ផ្ដល់​សក្ខីកម្ម​នៅ​ចំពោះ​មុខ​គណៈកម្មាធិការ​ទំនាក់ទំនង​ការបរទេស​ព្រឹទ្ធសភា​អាមេរិក​កាល​ពី​ខែ​កក្កដា ​ឆ្នាំ​២០២៦​ថា អទិភាព​ចម្បង​របស់​លោក​ពេល​មក​ធ្វើ​ទូត​នៅ​កម្ពុជា​គឺ «ការ​រុះរើ​ការ​ឆបោក​អនឡាញ…

Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.