← 返回首页
亚洲 · 综合新闻 · កម្ពុជាថ្មី Kampuchea Thmey

ក្រុម Vigor Apex បង្កើតកំណត់ត្រាមិនចាញ់សោះ ដើម្បីឈ្នះជើងឯក MPL-KH រដូវកាលទី១១

来源:កម្ពុជាថ្មី Kampuchea Thmey · 柬埔寨 24 分钟前
ក្រុម Vigor Apex បង្កើតកំណត់ត្រាមិនចាញ់សោះ ដើម្បីឈ្នះជើងឯក MPL-KH រដូវកាលទី១១
កម្ពុជាថ្មី Kampuchea Thmey

详细摘要

ក្រុមកីឡាអេឡិចត្រូនិក Vigor Apex បានក្លាយជាម្ចាស់ជើងឯកលីគកីឡាអេឡិចត្រូនិកអាជីព MPL Cambodia រដូវកាលទី១១ The post ក្រុម Vigor Apex បង្កើតកំណត់ត្រាមិនចាញ់សោះ ដើម្បីឈ្នះជើងឯក MPL-KH…

ក្រុមកីឡាអេឡិចត្រូនិក Vigor Apex បានក្លាយជាម្ចាស់ជើងឯកលីគកីឡាអេឡិចត្រូនិកអាជីព MPL Cambodia រដូវកាលទី១១ បន្ទាប់ពីបានយកឈ្នះក្រុម Team Flash KH ដោយលទ្ធផល ៤-២ នៅវគ្គផ្តាច់ព្រ័ត្រ កាលពីល្ងាចថ្ងៃអាទិត្យ ទី១៥ ខែវិច្ឆិកា ឆ្នាំ២០២៦។

ជ័យជម្នះនេះពិតជាស័ក្តិសមសម្រាប់ Vigor Apex ក្នុងការក្លាយជាម្ចាស់ជើងឯករដូវកាលនេះ ដោយសារពួកគេបានបង្ហាញសមត្ថភាពយ៉ាងល្អឥតខ្ចោះ តាំងពីដើមរដូវកាលរហូតដល់វគ្គផ្តាច់ព្រ័ត្រ។ ពួកគេបានបង្កើតស្ថិតិថ្មី ដោយមិនស្គាល់ពាក្យថាបរាជ័យសោះក្នុងរដូវកាលនេះ។ នៅវគ្គវិលជុំសន្សំពិន្ទុ ពួកគេបានឈ្នះទាំង ៩ ប្រកួត ដើម្បីឈរនៅកំពូលតារាង។

នៅវគ្គខ្វែង Upper Bracket Semifinals ក្រុម Vigor Apex បានយកឈ្នះក្រុម TNR Esports ដោយលទ្ធផល ៣-០ ដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រ ដែលមានក្រុមចំនួន ៣ ចុងក្រោយ។ នៅវគ្គនេះ ពួកគេបានយកឈ្នះក្រុម Team Flash KH ដោយលទ្ធផល ៣-០ ម្តងទៀត ដើម្បីឡើងទៅកាន់វគ្គផ្តាច់ព្រ័ត្រ។ ជាចុងក្រោយ ពួកគេបានយកឈ្នះក្រុម Team Flash KH ជាថ្មី ដោយលទ្ធផល ៤-២ ដើម្បីគ្រងជើងឯក។

សម្រាប់ការក្លាយជាម្ចាស់ជើងឯកនេះ ក្រុម Vigor Apex ទទួលបានពានរង្វាន់ ១ គ្រឿង មេដាយមាស និងប្រាក់រង្វាន់ចំនួន ១៦,០០០ ដុល្លារ ព្រមទាំងទទួលបានសិទ្ធិតំណាងឲ្យកម្ពុជាចូលរួមប្រកួតក្នុងព្រឹត្តិការណ៍អន្តរជាតិ។ ចំណាត់ថ្នាក់លេខ២ បានទៅលើក្រុម Team Flash KH ដែលទទួលបានប្រាក់រង្វាន់ ៨,០០០ ដុល្លារ ខណៈចំណាត់ថ្នាក់លេខ៣ បានទៅលើក្រុម TNR Esports ដែលទទួលបានប្រាក់រង្វាន់ ៥,០០០ ដុល្លារ។

ពិធីប្រគល់ពានរង្វាន់នេះធ្វើឡើងក្រោមអធិបតីភាពលោក ជា ច័ន្ទបរិបូរណ៍ ប្រធានសហព័ន្ធកីឡាអេឡិចត្រូនិកកម្ពុជា។

សូមបញ្ជាក់ថា ក្រុម Vigor Apex នឹងតំណាងឲ្យកម្ពុជាចូលរួមប្រកួតក្នុងព្រឹត្តិការណ៍អន្តរជាតិ MCT SEA 2026 នៅខែធ្នូខាងមុខ ដើម្បីប្រជែងយកកៅអីទៅប្រកួតជើងឯកក្លិបពិភពលោក M8 World Championship នៅប្រទេសតួកគី។ ការចាប់ឆ្នោតបែងចែកពូលសម្រាប់ព្រឹត្តិការណ៍ MCT SEA បានធ្វើរួចរាល់ហើយ ដោយក្រុមកម្ពុជាស្ថិតនៅពូល C ជាមួយក្រុម Falcon Esports របស់ប្រទេសមីយ៉ាន់ម៉ា និងក្រុម Bacon Time របស់ប្រទេសសិង្ហបុរី៕

文章开头,摘自កម្ពុជាថ្មី Kampuchea Thmey。如需阅读全文,请前往媒体网站。

在 កម្ពុជាថ្មី Kampuchea Thmey 阅读全文 登录后可收藏

MarketNews 仅展示媒体发布的标题和摘要,全文请在出版方网站阅读。 (www.kampucheathmey.com)