← Retour à la une
Asie · Actualité générale · កម្ពុជាថ្មី Kampuchea Thmey

Update៖ ករណីស្នេហាត្រីកោណ ជនដៃដល់ត្រូវបានឃាត់ខ្លួនក្រោយកាប់សម្លាប់គូទំនាស់រឿងលួចទាក់ទងប្រពន្ធ

Publié par កម្ពុជាថ្មី Kampuchea Thmey · Cambodge il y a 15 min
Update៖ ករណីស្នេហាត្រីកោណ ជនដៃដល់ត្រូវបានឃាត់ខ្លួនក្រោយកាប់សម្លាប់គូទំនាស់រឿងលួចទាក់ទងប្រពន្ធ
កម្ពុជាថ្មី Kampuchea Thmey

Résumé détaillé

កម្លាំងសមត្ថកិច្ចក្រុងសិរីសោភ័ណ បានឃាត់ខ្លួនជនដៃដល់ម្នាក់ក្នុងករណីឃាតកម្មកាប់សម្លាប់គូ.... The post Update៖ ករណីស្នេហាត្រីកោណ…

កម្លាំងសមត្ថកិច្ចក្រុងសិរីសោភ័ណ បានឃាត់ខ្លួនជនដៃដល់ម្នាក់ក្នុងករណីឃាតកម្មកាប់សម្លាប់គូទំនាស់ ព្រោះរឿងលួចទំនាក់ទំនងស្នេហាជាមួយប្រពន្ធខ្លួន។

សូមជម្រាបថា ករណីឃាតកម្មនេះ បានកើតឡើងកាលពីម៉ោង១២យប់រំលងអធ្រាត្រ ឈានចូលថ្ងៃទី២០ ខែវិច្ឆិកា ឆ្នាំ២០២៦ នៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។ ជនរងគ្រោះក្នុងហេតុការនេះមានឈ្មោះ អ៊ុក ហាក់ ភេទប្រុស អាយុ៣៧ឆ្នាំ មុខរបបកម្មករទឹកស្អាត មានស្រុកកំណើតស្រុកសូនិគម ខេត្តសៀមរាប ស្នាក់នៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ។

តាមការបញ្ជាក់ពីសាច់ញាតិជនរងគ្រោះបានប្រាប់ថា មុនកើតហេតុជនរងគ្រោះកំពុងដើរតាមផ្លូវពេលយប់ ហើយក៏ត្រូវបានជនដៃដល់យកកាំបិតកាប់ចំ ៣កន្លែង រួចរត់ពីកន្លែងកើតហេតុបានប្រមាណជិត១០០ម៉ែត្រ ដល់មុខផ្ទះស្រែអោយគេជួយ ពេលសាច់ញាតិចេញមកជួយ ឃើញជនដៃដល់ជិះម៉ូតូគេចខ្លួនទៅបាត់។ ចំណែកជនរងគ្រោះត្រូវបាននាំយកទៅសង្រ្គោះនៅមន្ទីពេទ្យតែជាអកុសលបានស្លាប់បាត់ទៅហើយ។

តាមប្រភពនានាពីអ្នកធ្វើការជាមួយជនរងគ្រោះបញ្ជាក់ថា ករណីឃាត់កម្មកាប់សម្លាប់លើជនរងគ្រោះនេះ ជាករណីស្នេហាត្រីកោណ ដោយជនរងគ្រោះបានលួចទំនាក់ទំនងស្នេហាជាមួយប្រពន្ធជនសង្ស័យ​រយៈពេលច្រើនខែមកហើយ ទើបប្តីគេមកកាប់បណ្តាលជនរងគ្រោះរបួសធ្ងន់រហូតដល់ស្លាប់។

ជនសង្ស័យមានឈ្មោះ វីត អ្នករស់នៅភូមិរោងម៉ាស៊ីន ជាមួយគ្នា ហើយជនដៃដល់ក៏ធ្លាប់ព្រមានជនរងគ្រោះអោយឈប់ទាក់ទងប្រពន្ធរបស់ខ្លួន រហូតជនដៃដល់អោយប្រពន្ធទៅធ្វើការនៅភ្នំពេញរយៈពេលជិត១ខែមកហើយ។

ក្រោយកើតហេតុ សមត្ថកិច្ចនគរបាលបានបញ្ជាក់ថា ករណីឃាតកម្មកាប់ទៅលើជនរងគ្រោះត្រូវចំនួន៣កន្លែង រងរបួសធ្ងន់ក្រោយបញ្ជូនដល់មន្ទីពេទ្យបានស្លាប់ ហើយជនដៃដល់បានរត់គេចខ្លួនតែត្រូវបានសមត្ថកិច្ចតាមចាប់បានភ្លាមៗ កាលពីព្រឹកថ្ងៃទី២០វិច្ឆិកានេះ។ សពជនរងគ្រោះត្រូវបានយកទៅតម្កល់ទុកធ្វើបុណ្យវត្តសុភមង្គល៕

Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.

Lire l'article complet sur កម្ពុជាថ្មី Kampuchea Thmey Connectez-vous pour sauvegarder

MarketNews présente le titre et le résumé publiés par le média. L'article complet se lit sur le site de l'éditeur. (www.kampucheathmey.com)