← Retour à la une
Asie · Actualité générale · កម្ពុជាថ្មី Kampuchea Thmey

តាមការប្រកាសរបស់ក្រសួងធនធានទឹក ចាប់ពីថ្ងៃនេះដល់ថ្ងៃទី២១វិច្ឆិកា មានតែតំបន់មាត់សមុទ្រប៉ុណ្ណោះដែល​អាចមានភ្លៀងធ្លាក់

Publié par កម្ពុជាថ្មី Kampuchea Thmey · Cambodge il y a 4 h
តាមការប្រកាសរបស់ក្រសួងធនធានទឹក ចាប់ពីថ្ងៃនេះដល់ថ្ងៃទី២១វិច្ឆិកា មានតែតំបន់មាត់សមុទ្រប៉ុណ្ណោះដែល​អាចមានភ្លៀងធ្លាក់
កម្ពុជាថ្មី Kampuchea Thmey

Résumé détaillé

ការណ៍ដែលធ្វើឲ្យនៅតាមតំបន់ភាគច្រើនមិនមានភ្លៀងធ្លាក់នោះ ក៏ដោយសារសម្ពាធទាបដែល..... The post តាមការប្រកាសរបស់ក្រសួងធនធានទឹក ចាប់ពីថ្ងៃនេះដល់ថ្ងៃទី២១វិច្ឆិកា…

យោងតាមការប្រកាសរបស់ក្រសួងធនធានទឹក និងឧតុនិយម នៅព្រឹកថ្ងៃទី១៩វិច្ឆិកានេះ ស្ថានភាពធាតុអាកាសនៅព្រះរាជាណាចក្រកម្ពុជាមិនមានភ្លៀងធ្លាក់នោះទេ លើកលែងតែនៅតាមតំបន់មាត់សមុទ្រប៉ុណ្ណោះដែលអាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់លើផ្ទៃដី១៥%។

បើតាមក្រសួងធនធានទឹក ការណ៍ដែលធ្វើឲ្យនៅតាមតំបន់ភាគច្រើនមិនមានភ្លៀងធ្លាក់នោះ ក៏ដោយសារសម្ពាធទាបដែលកើតមាននៅលើសមុទ្រចិនខាងត្បូង បានថយឥទ្ធិពលលើរបបខ្យល់មូសុង ឦសាន ដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។

តាមការប្រកាសដដែល ស្ថានភាពបែបនេះ ចាប់ពីថ្ងៃទី១៩ ដល់ថ្ងៃទី២១ ខែវិច្ឆិកា ឆ្នាំ២០២៦ នឹងធ្វើឱ្យធាតុអាកាសនៅតំបន់វាលទំនាប មានសីតុណ្ហភាពមធ្យមអប្បបរមា២២°C និងសីតុណ្ហភាពមធ្យម​អតិបរមា៣១°C។ ខ្យល់បក់មកពីទិសឦសាន និងទិសបូព៌ មានល្បឿនមធ្យម ៤ម៉ែត្រក្នុងមួយវិនាទី។ ខេត្តបន្ទាយមានជ័យ បាត់ដំបង ពោធិ៍សាត់ សៀមរាប កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង តាកែវ កណ្តាល និងរាជធានីភ្នំពេញ ពុំមានភ្លៀងធ្លាក់នោះទេ។

តំបន់ខ្ពង់រាប មានសីតុណ្ហភាពមធ្យមអប្បបរមា ២១°C និងសីតុណ្ហភាពមធ្យមអតិបរមា ៣១°C។ ខ្យល់បក់មកពីទិសឦសាន និងទិសអាគ្នេយ៍មានល្បឿនមធ្យម ៣ម៉ែត្រក្នុងមួយវិនាទី។ ខេត្តឧត្តរមានជ័យ កំពង់ស្ពឺ ប៉ៃលិន ជួរភ្នំដងរែក ក្រចេះ ស្ទឹងត្រែង ព្រះវិហារ រតនគិរី មណ្ឌលគិរី និងតំបន់ជួរ ភ្នំក្រវាញ ពុំមានភ្លៀងធ្លាក់នោះទេ។

តំបន់មាត់សមុទ្រ មានសីតុណ្ហភាពមធ្យមអប្បបរមា ២២°C និងសីតុណ្ហភាពមធ្យមអតិបរមា ៣២°C។ ខ្យល់បក់មកពីទិសឦសាន និងទិសអាគ្នេយ៍មានល្បឿនមធ្យម ៤ម៉ែត្រក្នុងមួយវិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្រប​ដណ្តប់លើផ្ទៃដី ១៥%។ រលកសមុទ្រមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមា ១,២៥ម៉ែត្រ៕

Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.

Lire l'article complet sur កម្ពុជាថ្មី Kampuchea Thmey Connectez-vous pour sauvegarder

MarketNews présente le titre et le résumé publiés par le média. L'article complet se lit sur le site de l'éditeur. (www.kampucheathmey.com)