← 返回首页
亚洲 · 综合新闻 · កម្ពុជាថ្មី Kampuchea Thmey

ទីក្រុង​ប៉េ​កាំង អះ​អាង​ថា ចិន អាមេរិក និង​រុស្ស៊ី មាន​ទំនួល​ខុសត្រូវ​យ៉ាងសំខាន់ ចំពោះ​សន្តិភាព​ពិភពលោក​

来源:កម្ពុជាថ្មី Kampuchea Thmey · 柬埔寨 17 分钟前
លោក ស៊ី លោក ពូទីន​ និង​ លោក ត្រាំ​។ រូបភាព៖ Reuters
លោក ស៊ី លោក ពូទីន​ និង​ លោក ត្រាំ​។ រូបភាព៖ Reuters · កម្ពុជាថ្មី Kampuchea Thmey

详细摘要

ទីក្រុង​ប៉េកាំង​​ថ្លែង​​​នៅ​ថ្ងៃចន្ទ​ ទី​១៦ ខែ​វិច្ឆិកា នេះ​ ថា ប្រទេសចិន សហរដ្ឋអាមេរិក និង​រុស្ស៊ី មាន​ទំនួល​ខុសត្រូវ​ដ៏សំខាន់ ចំពោះសន្តិ​ភាព និងស្ថិរភាពពិភព​លោក​។ The post…

ទីក្រុង​ប៉េកាំង​​លើក​ឡើង​​​​នៅ​ថ្ងៃចន្ទ​ ទី​១៦ ខែ​វិច្ឆិកា​ ថា ប្រទេសចិន សហរដ្ឋអាមេរិក និង​រុស្ស៊ី មាន​ទំនួល​ខុសត្រូវ​ដ៏សំខាន់ ចំពោះសន្តិ​ភាព និងស្ថិរភាពពិភព​លោក​ ខណៈ​ការ​ថ្លែង​​របស់​ប្រទេស​ចិន​​ ធ្វើឡើង​ មុនពេលកិច្ចប្រជុំ​កំពូលត្រីភាគី​រវាងមេ​ដឹកនាំប្រទេស​ទាំងបី ដែល​នឹង​ប្រព្រឹត្តទៅ​​ក្នុង​សប្តាហ៍​នេះ ហើយក៏​ជា​ព្រឹត្តិការណ៍​មួយ​ មិនធ្លាប់​មាន​ពី​មុន​មក។

ប្រធានាធិបតី​ចិន លោក ស៊ី ជីនពីង នឹង​ទទួលស្វាគមន៍សមភាគី​រុស្ស៊ី ​និងអាមេរិក គឺ​លោក វ្ល៉ាឌីមៀ ពូទីន និង​ លោក ដូណាល់ ត្រាំ នៅទី​ក្រុង Shenzhen នៅ​ថ្ងៃព្រហស្បតិ៍ ដើម្បី​ចូលរួមក្នុង​កិច្ច​ប្រជុំ​កំពូល​នេះ។

អ្នកនាំពាក្យ​ក្រសួងការបរទេស​ចិន លោកស្រី Mao Ning ​លើក​ឡើង​ថា៖ «​កិច្ច​ប្រជុំ​នេះ នឹងក្លាយ​ជាជំនួប​ផ្ទាល់​មុខលើកដំបូង​បំផុត​ រវាងប្រមុខរដ្ឋ​ប្រទេសចិន រុស្ស៊ី និង​សហរដ្ឋអាមេរិក»។

កិច្ចប្រជុំកំពូល​ត្រីភាគី នឹងប្រព្រឹត្តទៅ​​ក្រៅកិច្ចប្រជុំ​កំពូលសេដ្ឋ​កិច្ច​អាស៊ី-ប៉ាស៊ីហ្វិក(APEC) ដោយ​មានប្រទេស​ជា​សមាជិក​ចំនួន ២១ នៅឆ្នាំនេះ ​ហើយ​ប្រទេសចិន​ គឺជាម្ចាស់ផ្ទះរៀប​ចំកិច្ចប្រជុំ។

លោកស្រី Mao ប្រាប់​អ្នកសារព័ត៌មាន​ នៅ​​ទីក្រុងប៉េកាំង​ថា៖ « ប្រធានាធិបតី​ទាំងបីរូប នឹងធ្វើ​ការ​ផ្លាស់​ប្តូរទស្សនៈ​យ៉ាងស៊ីជម្រៅ​ លើ​បញ្ហា​ការការពារសន្តិភាព​ពិភពលោក និងលើកកម្ពស់ស្ថិរភាពយុទ្ធ​សាស្ត្រ​ ក្នុងទំនាក់​ទំនងរវាង​ប្រទេសធំៗ ហើយ​នេះ​គឺជាព្រឹត្តិការណ៍​ដ៏មាន​សារៈ​សំខាន់ជា​ប្រវត្តិសាស្ត្រ»។

លោកស្រី​បន្ត​៖ «​ប្រទេស​ទាំងបី គឺជាសមាជិកស្ថាបនិក​នៃអង្គការ​សហប្រជាជាតិ និងជាសមាជិក​អចិន្ត្រៃយ៍នៃក្រុមប្រឹក្សាសន្តិសុខ។ ប្រទេសទាំងបី​របស់​យើង​បាន​ប្រយុទ្ធ​រួមគ្នា ដើម្បីទទួល​បានជ័យជម្នះ​ក្នុងសង្គ្រាម​ប្រឆាំងនឹង​ហ្វាស៊ីសនិយម​ លើពិភពលោក។ ក្នុង​កាលៈ​ទេសៈ​បច្ចុប្បន្ននេះ ប្រទេសទាំងបី​មានទំនួលខុស​ត្រូវ​ដ៏សំខាន់​ក្នុងការ​ធ្វើការរួមគ្នា ដើម្បីដោះ​ស្រាយបញ្ហា​ប្រឈមសកល ព្រមទាំងលើក​កម្ពស់​សន្តិភាព និងស្ថិរភាព​ពិភពលោក»។

លោកស្រីបន្ថែម៖ «​ការពង្រឹងការ​ទំនាក់ទំនង ការគ្រប់គ្រង​ភាពខុសគ្នា និងការរក្សា​ទំនាក់ទំនង​ប្រកបដោយស្ថិរភាព គឺបម្រើដល់ផល​ប្រយោជន៍របស់​ប្រទេសទាំងបី ឆ្លើយតប​ទៅនឹងការរំពឹងទុករបស់​សហគមន៍​អន្តរជាតិ ហើយ​នឹងរួមចំណែក​ដល់ស្ថិរភាព​កាន់តែ​ប្រសើរ​ឡើង​ ក្នុងស្ថានភាព​អន្តរជាតិ ព្រមទាំងពង្រឹង​កិច្ចសន្ទនា និងកិច្ចសហ​ប្រតិបត្តិការឱ្យកាន់តែរឹង​មាំថែមទៀត»៕

文章开头,摘自កម្ពុជាថ្មី Kampuchea Thmey。如需阅读全文,请前往媒体网站。

在 កម្ពុជាថ្មី Kampuchea Thmey 阅读全文 登录后可收藏

MarketNews 仅展示媒体发布的标题和摘要,全文请在出版方网站阅读。 (www.kampucheathmey.com)