← Retour à la une
Asie · Actualité générale · DAP News

កងកម្លាំងអ៊ីរ៉ង់និយាយថា កប៉ាល់ដឹកប្រេងខ្នាតយក្សមួយគ្រឿង ដែលផ្ទុកប្រេង ២ លានបារ៉ែល បានលិចនៅក្នុងច្រកសមុទ្រហ័រមូស

Publié par DAP News · Cambodge il y a 12 min
កងកម្លាំងអ៊ីរ៉ង់និយាយថា កប៉ាល់ដឹកប្រេងខ្នាតយក្សមួយគ្រឿង ដែលផ្ទុកប្រេង ២ លានបារ៉ែល បានលិចនៅក្នុងច្រកសមុទ្រហ័រមូស
DAP News

Résumé détaillé

បរទេស៖ កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានប្រកាសថា កប៉ាល់ដឹកប្រេងខ្នាតយក្សមួយគ្រឿង ដែលផ្ទុកប្រេងជាង ២ លានបារ៉ែល បានប៉ះនឹងមីនមួយគ្រាប់ បណ្តាលឱ្យឆេះ…

បរទេស៖ កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានប្រកាសថា កប៉ាល់ដឹកប្រេងខ្នាតយក្សមួយគ្រឿង ដែលផ្ទុកប្រេងជាង ២ លានបារ៉ែល បានប៉ះនឹងមីនមួយគ្រាប់ បណ្តាលឱ្យឆេះ និងលិចនៅក្នុងច្រកសមុទ្រហ័រមូស។ យោងតាមសារព័ត៌មាន VN Express ចេញផ្សាយនៅថ្ងៃទី១៦ ខែវិច្ឆិកា ឆ្នាំ២០២៦ថា កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានប្រកាសកាលពីថ្ងៃទី ១៥ ខែវិច្ឆិកាថា៖ «កប៉ាល់ដឹកប្រេងចំនួន ២ គ្រឿង ដែលធ្វើដំណើរតាមផ្លូវមិនមានការអនុញ្ញាត នៅភាគខាងត្បូងនៃច្រកសមុទ្រហ័រមូស បានប៉ះនឹងមីន ដែលបណ្តាលឱ្យមានការផ្ទុះយ៉ាងខ្លាំង និងមានអគ្គិភ័យឆាបឆេះឡើង»។ កងកម្លាំងនេះមិនបានបញ្ជាក់ឈ្មោះ ឬអត្តសញ្ញាណនៃកប៉ាល់ទាំង ២ គ្រឿងនោះទេ ប៉ុន្តែបានសង្កត់ធ្ងន់ថា…

បរទេស៖ កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានប្រកាសថា កប៉ាល់ដឹកប្រេងខ្នាតយក្សមួយគ្រឿង ដែលផ្ទុកប្រេងជាង ២ លានបារ៉ែល បានប៉ះនឹងមីនមួយគ្រាប់ បណ្តាលឱ្យឆេះ និងលិចនៅក្នុងច្រកសមុទ្រហ័រមូស។

យោងតាមសារព័ត៌មាន VN Express ចេញផ្សាយនៅថ្ងៃទី១៦ ខែវិច្ឆិកា ឆ្នាំ២០២៦ថា កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានប្រកាសកាលពីថ្ងៃទី ១៥ ខែវិច្ឆិកាថា៖ «កប៉ាល់ដឹកប្រេងចំនួន ២ គ្រឿង ដែលធ្វើដំណើរតាមផ្លូវមិនមានការអនុញ្ញាត នៅភាគខាងត្បូងនៃច្រកសមុទ្រហ័រមូស បានប៉ះនឹងមីន ដែលបណ្តាលឱ្យមានការផ្ទុះយ៉ាងខ្លាំង និងមានអគ្គិភ័យឆាបឆេះឡើង»។

កងកម្លាំងនេះមិនបានបញ្ជាក់ឈ្មោះ ឬអត្តសញ្ញាណនៃកប៉ាល់ទាំង ២ គ្រឿងនោះទេ ប៉ុន្តែបានសង្កត់ធ្ងន់ថា ហេតុការណ៍នេះបានបណ្តាលឱ្យកប៉ាល់ដឹកប្រេងខ្នាតយក្សមួយគ្រឿង ដែលផ្ទុកប្រេងឆៅជាង ២ លានបារ៉ែល បានលិចនៅភាគខាងត្បូងនៃឈូងសមុទ្រពែក្ស។ លើសពីនេះកងកម្លាំង IRGC ក៏បានបញ្ចេញវីដេអូដែលបង្ហាញពីអគ្គិភ័យឆាបឆេះយ៉ាងសន្ធោសន្ធៅ និងផ្សែងហុយយ៉ាងក្រាស់គ្របដណ្ដប់លើកប៉ាល់មួយគ្រឿងនៅកណ្តាលសមុទ្រ ប៉ុន្តែមិនច្បាស់ទេថាវីដេអូនេះត្រូវបានថតនៅពេលណាទេ។

ចំណែកអង្គការប្រតិបត្តិការដែនសមុទ្រចក្រភពអង់គ្លេស (UKMTO) បានឱ្យដឹងថា ខ្លួនទទួលបានព័ត៌មានពីអាជ្ញាធរសមុទ្រឥណ្ឌា អំពី «ការវាយប្រហារ» ទៅលើកប៉ាល់ដឹកប្រេងមួយគ្រឿងនៅក្នុងឈូងសមុទ្រពែក្ស។ ទោះជាយ៉ាងណាក៏ដោយ វាមិនច្បាស់ទេថាតើនេះជាហេតុការណ៍តែមួយដែល IRGC បានលើកឡើងឬយ៉ាងណា។ UKMTO បានបញ្ជាក់ថា៖ «សមាជិកនាវិកទាំងអស់មានសុវត្ថិភាព។ កម្រិតនៃការខូចខាត និងផលប៉ះពាល់ដល់បរិស្ថាន គឺនៅមិនទាន់អាចកំណត់បាននៅឡើយទេ»។

Début de l'article, extrait de DAP News. Pour lire la suite, ouvrez l'article chez le média.

Lire l'article complet sur DAP News Connectez-vous pour sauvegarder

MarketNews présente le titre et le résumé publiés par le média. L'article complet se lit sur le site de l'éditeur. (dap-news.com)