ប្រធានាធិបតីបារាំងអំពាវនាវឱ្យដាក់​អាទិភាព​ចំពោះ​ការ​គោរព​ច្បាប់អន្តរជាតិ​ជាជាងការ​​ប្រើកម្លាំង

Résumé détaillé

លោក ម៉ាក្រុង បានលើកឡើងថា សហគមន៍ហ្វ្រង់កូហ្វូនីគួរប្រើប្រាស់ភាសារួម និងទំនាក់ទំនងការទូតរបស់ខ្លួនជាវេទិកាសម្រាប់ការផ្សះផ្សា នៅពេលដែលពិភពលោកកំពុងប្រឈមនឹងវិបត្តិជាច្រើន។ The post…

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានអំពាវនាវឱ្យបណ្ដាប្រទេសជាសមាជិកហ្វ្រង់កូហ្វូនី គោរពច្បាប់អន្តរជាតិជាអាទិភាពលើការប្រើប្រាស់កម្លាំង ដោយជំរុញឱ្យមានកិច្ចសហប្រតិបត្តិការអន្តរជាតិកាន់តែរឹងមាំ និងការប្តេជ្ញាចិត្តជាក់ស្តែងចំពោះសន្តិភាព ខណៈជម្លោះនៅតាមតំបន់នានាក្នុងពិភពលោកបន្តប្រឈមនឹងសណ្តាប់ធ្នាប់អន្តរជាតិ។

ថ្លែងក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ កាលពីថ្ងៃអាទិត្យ លោក ម៉ាក្រុង បានលើកឡើងថា សហគមន៍ហ្វ្រង់កូហ្វូនីគួរប្រើប្រាស់ភាសារួម និងទំនាក់ទំនងការទូតរបស់ខ្លួនជាវេទិកាសម្រាប់ការផ្សះផ្សា នៅពេលដែលពិភពលោកកំពុងប្រឈមនឹងវិបត្តិជាច្រើន។

លោក ម៉ាក្រុង បានថ្លែងថា៖ «សហគមន៍ហ្វ្រង់កូហ្វូនីរបស់យើង ដែលមានឯកភាពក្នុងភាពចម្រុះ បានជួបជុំគ្នាដើម្បីធ្វើឱ្យច្បាប់មានអាទិភាពលើការប្រើប្រាស់កម្លាំង»។

លោកបានអំពាវនាវឱ្យប្រទេសជាសមាជិកបម្លែងសាមគ្គីភាពរបស់ខ្លួនទៅជាសកម្មភាពជាក់ស្តែង ដោយផ្អែកលើការគោរពច្បាប់អន្តរជាតិ និងធម្មនុញ្ញអង្គការសហប្រជាជាតិ។

ប្រធានាធិបតីបារាំងរូបនេះបានបញ្ជាក់ថា កិច្ចប្រជុំកំពូលនេះជាឱកាសមួយដើម្បីបញ្ជាក់ជាថ្មីអំពីតួនាទីនយោបាយរបស់អង្គការអន្តរជាតិហ្វ្រង់កូហ្វូនី (OIF) ដោយសង្កត់ធ្ងន់ថា ប្រទេសជាសមាជិកគួរលើកកម្ពស់ការសន្ទនា ការរួមរស់ដោយសន្តិភាព និងកិច្ចសហប្រតិបត្តិការអន្តរជាតិ ជាជាងបណ្តោយឱ្យភាពខុសគ្នាកាន់តែធ្វើឱ្យមានការបែកបាក់។

លោក ម៉ាក្រុង ក៏បានលើកឡើងពីសារៈសំខាន់នៃពហុភាសានៅក្នុងអង្គការអន្តរជាតិ ដោយថា ពហុភាសាមិនមែនគ្រាន់តែជាបញ្ហានៃការបកប្រែ ឬនីតិវិធីប៉ុណ្ណោះទេ ប៉ុន្តែពាក់ព័ន្ធដោយផ្ទាល់ទៅនឹងសមភាពរវាងរដ្ឋនានា គុណភាពនៃការចរចា ការទទួលបានព័ត៌មាន និងភាពស្របច្បាប់នៃប្រព័ន្ធពហុភាគីនិយម។

ការលើកឡើងរបស់លោកកើតមានឡើង ខណៈកម្ពុជា បានប្រើប្រាស់វេទិកាកិច្ចប្រជុំកំពូលនេះ ដើម្បីបង្ហាញពីបទពិសោធន៍របស់ខ្លួនក្នុងការឆ្លងកាត់សង្គ្រាម ការកសាងសន្តិភាព និងសារៈសំខាន់នៃការគោរពអធិបតេយ្យភាព និងច្បាប់អន្តរជាតិ។

ក្នុងសុន្ទរកថារបស់ខ្លួន នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានថ្លែងថា កម្ពុជានៅតែប្តេជ្ញាចិត្តចំពោះសន្តិភាព ប៉ុន្តែកំពុងបន្តប្រឈមនឹងបញ្ហានៅតាមបណ្តោយព្រំដែនជាមួយប្រទេសថៃ ដោយលោកបានអះអាងថា កងទ័ពថៃនៅតែបន្តឈរជើងនៅតំបន់មួយចំនួននៃដែនអធិបតេយ្យភាពកម្ពុជា។

សម្តេចធិបតី ហ៊ុន ម៉ាណែត បានឱ្យដឹងថា ប្រជាពលរដ្ឋកម្ពុជាប្រមាណ ២ម៉ឺននាក់ នៅតែមិនអាចវិលត្រឡប់ទៅកាន់លំនៅឋានរបស់ពួកគេវិញ…

Début de l'article, extrait de កម្ពុជាថ្មី Kampuchea Thmey. Pour lire la suite, ouvrez l'article chez le média.